Sevindirici haldır ki, Sumqayıt şəhərinin İ. Qayibov adına 1 nömrəli məktəbi də, 5 aktiv layihə ilə bu məktəblər sırasındadır. 25 oktyabr, 2017-ci il tarixində məktəbin fizika müəllimi Aliyə Əhmədova və şagirdlərinin aktiv iştirakçısı olduğu "Home Sweet Home" layihəsi "eTwinning Plus” çərçivəsində təltif edilən"Avropa Keyfiyyət Nişanı”na layiq görülmüşdür. Adı cəkilən layihədə Ukrayna, Gürcüstan , Almanya, İtaliya,Yunanıstan və Azərbaycandan olan tərəfdaş məktəblər birgə çalışmışlar. Eyni zamanda Respublika üzrə müxtəlif müəllimlərin icra etdiyi daha 24 layihə bu mükafata layiq görülüb.
Beynəlxalq layihəsinin "Avropa Keyfiyyət Nişanı” ilə mükafatladırılması münasibəti ilə Sumqayıt şəhəri, İ. Qayibov adına 1 nömrəli məktəbini təbrik edirik. Qeyd edək ki, Aliyə Əhmədova eyni zamanda Təhsil Nazirliyinin Təhsildə İnkişaf və İnnovasiyalar üzrə 1-ci qrant müsabiqəsində qalib olmuş, təhsil mediasının diqqət mərkəzində olan "STEM Azərbaycanda” onlayn layihəsini də idarə edir.