>

YARADICI MÜƏLLİMLƏR ÜÇÜN YENİ MÜSABİQƏ ELAN OLUNDU !

                   

Müsabiqə  “Müasir məktəbdə Activinspire proqramı ilə hazırlanmış tədris resursları” nominasiyasında keçirilir və aşağıdakı 3 qrupa bölünür:
   1-4-cü siniflər üçün hazırlanmış ən yaxşı resurs (3 yer)
       5-11-ci siniflər üçün hazırlanmış ən yaxşı resurs (3yer)
-                 Ən yaxşı təlimçi işi (3 yer)
                              Resurslar  mart ayının 15-nə kimi qəbul edilir.Mart ayının 16-dan 31-nə kimi münsiflər heyəti qiymətləndirməni  həyata keçirəcək
                 Aprel ayının 1-dən  “Edumedia Azərbaycan”nın və “Promethean Planet”in internet səhifəsində müsabiqənin  nəticələri açıqlanacaq



Səs Dalğaları Mövzusunda Açıq Dərsimin Gedişi
Əziz  bloq izləyicilərim ,əvvəlcədən də sizinlə təqdimatını paylaşdığım açıq dərsim planlaşdırılmış tarixdə baş tutdu.Hətta açıq dərsə qədər minlərlə baxış sayı toplamış bu online təqdimat sizlər tərəfindən marağa səbəb olmuş və mənə bir çox suallar ünvanlamışdınınz.
Beləliklə...Sumqayıt Təhsil Şöbəsinin inspektoru , peşəkar təlimçi Gülbahar müəllimə və Fizika fənni üzrə metodisti Tahirə müəllimə də dərsi izləyən müəllimlər arasında idilər.
Şagirdlərlə salamlaşdıqdan və davamiyyəti yoxladıqdan sonra "Oxu Strategiyaları " üsullarından istifadə etməklə ümumi sorğu etdim.Qeyd edim ki , bu sadə üsul şağirdlərdə oxuma ,dinləmə ,qavrama ,gözləmə mədəniyyəti vərdişlərini formalaşdırmaq alt məqsədini də özündə ehtiva edir.Şagirdlər bu üsulun qaydalarına düzgün riayət  edərək qrup halında sorğuda iştirak etdilər.
Daha sonra dərsin motivasiyasını ,problem sualı yaradaraq səs dalğaları mövzusuna başladım. Şagirdlər bu prosesə aktiv müzakirə ilə qoşuldular (həyati bilgiyə inteqrasiya ).
Səs mənbələrinin aydınlaşdırılması şagirdim Aysunun gitarada əyanı nümayişi ( musiqi fənninə inteqrasiya ),Şuşa  və millii musiqi alətlərmizin xatırladılması ilə vətənpərvərlik ruhunun təzələnməsi ilə yadda qaldı.
Dərs hər  dörd qrupa sadə təcrübə-araşdırma təlimatlarının verilməsi və icrası ilə davam etdi.Qruplar öz araşdırmalarından aldıqları nəticələri normal təqdim etdilər və bu prosesin maraqlı olduğunu söylədilər.
Dərsin növbəti mərhələsi dərsi izləyən müəllimlər tərəfindən xüsusi rəğbət qazandı. Belə ki, hər dörd qrup öz qrup adlarını yeni bir layihəyə qoşularaq araşdırdılar .müzakirə etdilər və təqdim etdilər. Bildiyimiz kimi ,Təhsil Nazırliyi dekabr ayında başlanğıc olaraq respublikanın iki məktəbində "Oxu mədəniyyəti ,oxuya motivasiya ,İKT vasitələrindən istifadə edərək səmərəli axtarış və paylaşım layihəsi "nin icrasını edəcək.Mən də ,açıq dərsimin müəyyən bir müddətini bu layihəyə uyğun qurmağı qərara almışdım. Hər qrupdan iki şagird İnternet üzərindən online olaraq ,diğər qrup üzvləri isə məktəb kitabxanasından seçdiyim Ayna Uşaq Ensiklopediyasından mütailə yolu ilə öz qrup adlarınınmənasını araşdırdılar.Şagirdlər  Azərbaycan dilli fizika veb resurslarının İnternetdə az olması faktını aşkarladılar və bu qənaətə gəldilər ki, həqiqətən də, müxtəlif məlumatların mütailə yolu ilə mənimsənilməsi  vacibdir.
Dərsin növbəti mərhləsində toplanılmış nəticələrin  ümumiləşməsi və sxematik nəticəsi aparıldı.Səsin yaranma ,yayılma və qəbul edilmə mexanizmini özündə əks etdirən qısa videoanimasiya nümayiş etdirdim.Qəbuledici orqan olan qulaqda səsin qəbul olunma prosesinin animasiyalı təsviri və izahı şagirdlərin marağına səsb oldu ( bologiya fənninə inteqrasiya ).
Yaradıcı tətbiq etmək məqsədilə .agirdlərimə online interaktiv tapşırığı təqdim etdim.Hər dörd qrupun birgə düzgün cavabları tapşırığın öhdəsindən gələməyə səbəb oldu.
Dərsin sonuna yaxın həm qrupların .həm müəyyən şagirdlərin qiymətləndirilməsini elan etdim.Bu ərəfədə isə şagirdlərimə yeni il ağacı təsvirindəki bəzəkləri 8-ci sinifdə öyrəndikləri fizika düsturları ilə bəzəməyi təklif etdim.Bu maraqlı yanaşma hər kəs tərəfindən xüsusi qiymətləndirildi və şagirdlərin fəallığı məni də məmnun etdi.
Ev tapşırığının elan olunması ilə dərsin bitməsi zəngi eşidildi.
Qeyd: açıq dərsin müzakirəsi zamanı mənə tutulan iradlar bunlar oldu: 
1)şagirdlərin fikirləri lövhədə müəllim tərəfindən qısaca qeyd olunmalı idi;
2) gitarada bir ifa osa idi daha məqsədə uyğun olardı; 
3)şagirdlərin danışıqları çox hündür səslənmirdi.
PS : dərsin videogörüntüləri və fotolarını yaxın günlərədə mütləq sizinlə paylaşacam!

Müəllimə  Dəstək - MSQ
Pis müəllim təsvir edir,
 Yaxşı müəllim - izah edir, 
 Əla müəllim - göstərir,  
Dahi müəllim - həvəsləndirir, 

Həqiqi müəllim isə arxasınca aparır...
  
                                                   FIZIKADAN BAKI SINAQ QİYMƏTLƏNDİRMƏ TESTLƏRİ-özünü yoxla!
                                             Bakı MSQ-2014-də istifadə olunmuş KURİKULUM TESTLƏRİNDƏN-1
                                             Bakı MSQ-2014-də istifadə olunmuş KURİKULUM TESTLƏRİNDƏN-2
 Kurikulum   Testləri-Yeniləndi
Отправить комментарий